Five For Fighting - 100 Years

I'm 15 for a moment

Caught in between 10 and 20

And I'm just dreaming

Counting the ways to where you are

I'm 22 for a moment

She feels better than ever

And we're on fire

Making our way back from Mars

15 there's still time for you

Time to buy and time to lose

15, there's never a wish better than this

When you only got 100 years to live

I'm 33 for a moment

Still the man, but you see I'm a they

A kid on the way

A family on my mind

I'm 45 for a moment

The sea is high

And I'm heading into a crisis

Chasing the years of my life

15 there's still time for you

Time to buy, Time to lose yourself

Within a morning star

15 I'm all right with you

15, there's never a wish better than this

When you only got 100 years to live

Half time goes by

Suddenly you’re wise

Another blink of an eye

67 is gone

The sun is getting high

We're moving on...

I'm 99 for a moment

Dying for just another moment

And I'm just dreaming

Counting the ways to where you are

15 there's still time for you

22 I feel her too

33 you’re on your way

Every day's a new day...

15 there's still time for you

Time to buy and time to choose

Hey 15, there's never a wish better than this

When you only got 100 years to live

Together Forever...

Энэ үг бол 11iin11 буюу манай ангийнхы бренд үг л дээ. Ангийн блогийн маань нэр ч гэсэн ийм. Ингээд нөхөддөө зориулж хэдэн үг хэлье гэж бодлоо.
TOGETHER FOREVER
Энэ хорвоод надад хэдхэн зүйлс бий
Элээж туулъя гэх амьдралд
Эртнээс хүсэн зорьсон
Эрдмийн оргилд гарах энгүй хүсэл надад бий
Саруул орчлонд надад сайхан нөхөд бий
Санаа нэгтэй явах сайхан найзууд бий
Салхитай шөнө шаагих борооноор ч
Салахгүй хамт байж чадах сайхан андууд минь бий
Хөрөст энэ дэлхийд хүний олон хүүхдүүд
Хүсэл сэтгэлээ эртнээс танилцан
Хүүхэд ахуй наснаасаа
Хэдэн биендээ ижилссэн хэнээс ч илүү найз нар минь бий
Үлгэр шиг энэ амьдарлд
Үүрд нэгэндээ үнэнч
Өнөд биенээ түшиж
Өөдлөн дэвшиж явах
Өргөн дардан амьдралын зам
Өнгөлөгөөр гэрэлтэн зурайна...

Эх түүх мину

Түүхийн хичээлийн тухай хэдэн юм хэлмээр санагдаад байх боллоо. Ер нь бидний арван жилд байхад түүх гэж үнэндээ хөгийн юм ордог байж дээ. Бодоод байхад ер нь багаас нь түүхээ сайн системтэй заадаггүй байсан юм уу даа. Нэг бол ач холбогдолыг нь ойлгуулж чаддаггүй байсан юм шигээ. Хичээл гэхээр юм хуулж бичээд л бас цээжлээд л тэгээд л дүнгээ гаргуулчихна шүү дээ. Ер нь бол түүхийн хичээлийн онц гэсэн дүн л хэрэгтэй байсан болохоос биш тэр хичээл нь хэнд ч хэрэггүй гэж боддог байсан юм уу хайшаан. Харин одоо бол өөр шүү. Ухаан бодол минь юмыг арай өөр өнцгөөс нь харж байх шиг байна. Яагаад яг түүхийн мэдлэг чухал болохыг ойлгож байх шиг. Ер нь бол багш гэдэг хүн мэдлэгээрээ шавь нараа гайхуулж бишрүүлж байж л сая жинхэнэ багш болно гэж би боддог. Багш гэдэг хүний ард хэдэн зуун хүүхдийн ирээдүй байгаа гэдэг тэд ухамсарлах хэрэгтэй. Жишээ хичээлээ сонирхолгүй муу заадгаас болоод хичнээн хэрэгтэй зүйл байсан ч яг л тэр багш шиг гэж бодоод тоохгүй хаядаг хүүхдүүд зөндөө л байгаа. Ийм учраас их сургуулийн багш нартай ижил хэмжээний багшлах ур чадвартай багш нараар бага дунд ахлах ангийнханд хичээл заалгах хэрэгтэй шүү дээ. Эхнээсээ суурь муутай хүн чинь цааш нь яаж сонирхох юм бэ? Тийм болохоор ирээдүйн иргэдээ ингэж алж болохгүй шүү дээ багш нараа! Бас энэ түүх гэдэг чинь өөрөө их сонин эд юм аа. Өөрсдөө мэдэж үр удамдаа хэлж захиж байхгүй бол ганц зуун өнгөрөхөд л хэн ч мэдэхгүй байх магадлалтай. Харин үүх түүхээрээ бахархадаг улс оронд бол хэн хүнгүй түүхээ мэднэ. Хэн ч юу ч гээд маргаангүй хөдлөшгүй тэр л түүхээрээ бахархан омогшиж явдаг. Гэтэл манай улс аугаа их түүхийг туулж өнгөрүүлсэн хирнээ одоо тэрийгээ гүйцэд мэдэхгүй, бусдаас мэдэж байх ч гэж. Энэ чинь л гутамшиг байх даа. Харин энэ бүхнийг таслан зогсоохоор хүн бүр тэмцэх хэрэгтэй...

Хосууд

Хос хосоороо энд тэнд хөтлөлцөн алхах хүмүүсийг харахад нэг сайхан санагдах болжээ. Инээд хөөрөөр бялхаад л сайхан юм аа. Харин бас хажууд нь хичээлээ хийгээд тэтгэлэг аваад дараа нь ажил амьдралын гараагаа үнэхээр сайхан эхэлж байгаа хүмүүсийг харахад ч бас л сайхан юм. Харин миний хувьд яг алийг нь илүүд үзэхээ үнэхээр мэдэхгүй байна. Хүн болгонд өөрийн гэсэн үзэл бодол байдаг биз дээ. Үгүй юм болов уу? Харин миний хувьд тэр бодлоо өөрчлөх хэрэгтэй юм болов уу? Эсвэл ингээд явж байтал тэгс гээд болчих болов уу? Ер нь мэдэхгүй юм дөө. Хүний энэ амьдралдаа гаргах хамгийн том шийдвэрүүдийн нэг бол хань ижлээ сонгох яах аргагүй мөн. Харин үерхэл нөхөрлөл бол тэр хүнд алхамыг хийх бэлтгэл байдаг байх. Харин би гэж хүн нилээн бэлтгэл муутай л тамирчин даа. хэхэ.

New things

Хэхэ зааз. Аймар их удасны эцэст блогтоо ганц хоёр юм бичдэг юм билүү гэж бодлоо. Ер нь бол санал бодлоо чөлөөтэй бичиж тэмдэглэн илэрхийлэх ганц арга минь болоод байгаа юм болов уу даа энэ блог маань. Тэгэхээр яахав дуртайгаараа өөрийнхөө тухай мөн дахиад нэг пост оруулъя даа. Ойрдоо хичээл ном ихтэй ч сайхан өдрүүд үргэлжилсээр байна аа. Шинэ сургууль шинэ анги гээд энэ бүгд надад таалагдаж байгаа шүү. Харин маргааш шалгалт авах гэж байгаа. Мэдээж хэрэг явцын шалгалт ингээд эхнээсээ эхэлж байна. Иймээс би маргааш тийм хэцүү биш миний дуртай хичээлүүдийн нэг болох монголын түүхийн шалгалтаа өгөх гэж байгаа болохоор сэтгэл амар бас нэг бодлын түгшүүртэй байна аа. Яагаад гэвэл ганц найдлагатай хичээл дээрээ хангалттай сайн авч чадахгүй байх вий дээ гэж бодоод түгшиж байна. Багш нь үнэхээр хичээлээ сайхан заадаг болохоор би түүхийн лекцэнд суухдаа сэтгэл хангалуун байдаг аа. Тэгээд ч ер нь бол түүхийн хичээлд сууснаар олж авах зүйл асар их юм байна лээ шүү. Түүхийн ном уншиж байснаас бас харилцан ярилцаж хүний үзэл бодлыг сонсоно гэхээр ямар нэгэн нэмэлт эрхцүүлэх зүйл байгаа болохоор давуу тал ихтэй байдаг юм байна лээ. За энэ нэг иймэрхүү байдаг байж. Цаашаа ярихад Санхүү бүртгэлийн үндэс гэж нэг хичээл байна аа. Хөөрхий надад үнэндээ бол хэцүү хичээл байна шүү. Азаар ээжийнхээ энэ чиглэлийн мэдлэгийг ашиглаад нэг юм толгойдоо хийгээд авч чадах юм шиг байна. Гэвч эхний явцын шалгалтан дээр үр дүн нь сайн гарч чадахгүй болов уу гэж эмээж байна. Өшөө цааш нь гэвэл микроэкономикс гэдэг хичээл байна аа. Үнэндээ бол миний хувьд барьцгүй хичээл. Би эхлээд энэ хичээлийн тухай ямар бэлтгэлгүй байсан. Үнэндээ бол суурьгүй байсан. Харин одоо бага зэрэг чармайлт гаргасны ачаар нэг юм яриж байгааг нь ойлгохтойгоо боллоо. Ингээд хангалтгүй нь мэдээж л дээ. Гэхдээ яахав ямар ч гэсэн нэг юм хийж болох байх. Ингээд миний ЭЗС-д орсон эхний семистр маань иймэрхүү янзтай өнгөрч байна даа. Хичээгээд л байна даа юу ч болж байсан.

Монголоо гэж

Зиа тэгэхээр ер нь хөөрхий муу блогоо харж хандахгүй яасан ч их удаав дээ. Хэдий хэлж ярих бичих юм маш их байгаа ч гэсэн боломж гарахгүй байсаар байгаад зөндөө удаан постгүй явлаа. Харин өнөөдөр нэг боломж гарсан дээр нь... Тэгэхээр өнөөдөр би ЭХ ОРНЫХОО тухай хэдэн юм хэлэхийг хүсч байна л даа. Эрт үед Монголчууд гэдэг чинь ямар ч байсан бүх юм нь цогцлосон үнэхээр өндөр хөгжилтэй орон байсан юм байна аа. Хүн амьтнаас хэдэн юм энэ зун сонсоод дээр нь бас ном сонин уншиж байх нь ээ ямар ч гэсэн тэр үеийн Монголын гайхамшигтай ёс заншил, эдлэл хэрэглэл, хувцас гээд ер нь бүх л зүйлс нь үнэхээр гайхал төрүүлэм юм билээ. Тэгээд тэр болгоныг уншиж мэдэх тусам Монгол гэдэг энэ гайхалтай газар төрж түүний нэг хэсэг нь болсондоо баярлаж байлаа. Гэвч бидний энэ сайхан бахархалтай бүхнийг харийнхан биднээс салгасаар өдий хүрчээ. Барагцаалбал энэ нь 500 жилийн тэртэйгээс үүсэлтэй гэж байгаа юм. Манж гэгч толгойны өвчин гарч ирсэн. Тэр үеийн эрх мэдэл, эд хөрөнгөнд шунасан ноёд түшмэлүүдийг тэд эх орных нь эсрэг овжноор ашигласаар иржээ. Өөрөөр нь өөрийг нь үгүй хийлгэх атгаг санааг тэд эртнээс баримтласаар ирсэн аж. Шунахай сувдаг сэтгэлтнүүдийг нь хөхиүлэн дэмжиж шудрага сайныг нь боож хааж байсан гэх. Үндэсний үзэл өв соёлыг нь чимээгүй алуурчин болох шашны нөлөөгөөр нухчин дарж байсан гэнэ. Чухам энэ үеэс эхлэн шарын шашныг Монголд дэлгэрүүлж Хүннүгийн үеэс оршин тогтнож байсан Бөө мөргөлийг шахан гаргах болсон гэнэ. Угаас мөнх тэнгэрээ шүтэж ирсэн бидний өвөг дээдэс харийн шашинд мэдээж тийм ч тааламжтай байгаагүй нь мэдээж. Гэхдээ хаад ноёд нь түүнийг дагаад бишрээд ирэхээр улс түмэн нь яалт ч үгүй нөлөөнд нь автах болж байгаа юм л даа. Тэрнээс гадна хоол хүнс эдлэл хэрэглэл гээд бүх л зүйлд нь нөлөөлөх болсон байна. Эрт дээр үед Монгол эрчүүд ханхар том том биетэй, хүрлэгэр бор царайтай, хүлэг моринд гарамгай хүч тэнхээ ихтэй тийм л сүрдмээр хүмүүс байсан юм билээ. Харийн улсынхан хараад сүр бараанд нь дарагдам, уудам талдаа унах морио хөлөглөөд зоо нуруунд нь хөндөлдөн явахад уул хад шиг л хөх эрчүүд байсан гэх юм байна лээ. Харин хоол унданд нь өөрчлөлт орж уналага эдэлгээ нь ч өөрчлөгдөж бие цогц нь ахархан болж ирсэн гэнэ. За тэгээд тэрнээс гадна Эртний монголчуудыг харанхуй бүдүүлэг байсан гэж боддог боло тийм биш гэнэ ээ. Одоо шинжлэх ухаанаар нээж нотлоод байгаа зүйлсийг тэр үед л монголчууд мэддэг байсан байх юм. Тэрнээс гадна дэлхий ертөнц гариг эрхэсийн хөдөлгөөн гээд одон орны мэдлэг нь ч гэсэн гайхалтай байсан гэнэ. Түүнээс гадна Та нар бүх зүйлд усны найрлага ямар нэг хэмжээгээр байдаг гэвэл юу гэх вэ? Гэтэл аль дээр үед бидний өвөг дээдэс үүнийг мэддэг байж ээ. Тэрнээс гадна бидний одоогоор устөрөгч хүчилтөрөгч гээд байгаа зүйлсийг ч монголчууд мэддэг байж. Тиймээс ч дэлхий ертөнцийг усан бүтэцтэй гэж дээдлэн чандмань эрднийг эрхэмлэдэг байж. Харамсалтай нь бидний энэ сайхан зүйлсийг биднээс харийнхан л салгасан байна. Тиймээс одоо энэ бүхнийг дахин сэргээж яагаад болохгүй гэж...

Шүлэг

Хамгаас илүү чамайг би хүндэтгэнэ
Харцанд чинь би өртөхийг хүснэ
Хөөрхөн төрсөн царайг чинь харна
Харин ЧИ нэг л хөндий
Үүр шөнийн зүүдэнд минь чи хамт
Өдөр дундын бодолд минь ч чи цуг
Үдэш оройн сэрүүнд чамайг мөрөөдсөөр
Өнгөт амьдралын минь нэг л өдөр өнгөрнө
Зүрх минь чам руу тэмүүлнэ
Зөвхөн чамайг л хайрлахыг хүснэ
Заяаны минь хань мөн байгаасай хэмээн
Залбирч хааяа үдшийг үднэ
Найз минь гэж намайг дуудах болгонд чинь
Намайг битгий тэгж дуудаач гэж хэлмээр
Нандин хайраа зүрхэндээ тээж
Насны залууд дурлалдаа шатаж байгаагаа л би мэднэ
Өнөөдөр надаас жаргалтай хүнгүй мэт
Өөр талаас нь харвал зовлонтой ч юм шиг
Өнгөт энэ амьдралын өнгө будаг нь болсон чамд
Өөрийн эрхгүй дурлажээ би
Зүрх сэтгэл, зүүд нойронд минь
Зөвхөн чиний инээмсгэлэх дүр
Зөөлөн зөөлнөөр уусан шингэж
Зүйрлэшгүй ихээр үгүйлэх юм аа.
Хайр дурлал гэж юу байдгийг
Хараахан ойлгоогүй явж дээ би
Хамгийн хэцүү хэсэг дээр нь очоод л
Халуухан зүрх минь зогсох шахах юм
Нүднээс чинь би итгэлийг олдог
Нулимснаас чинь би гунигийг мэдэрдэг
Өөрөөс чинь би хайрыг олсоон
Өнгөт энэ хорвоод ухаарал бэлгэлсэн тэр нэгэн хүнд зориулъя!!!

Энэ л гурван үгийг хэлэх гэж дэндүү удаан хүлээсэн дээ
БИ ЧАМД ХАЙРТАЙ